توانائی شعبے کا گردشی قرضہ کم کرنے کیلئے 12 سو 50 ارب روپے جاری کرنے کا فیصلہ

106

 

وزارت خزانہ کے ذرائع کے مطابق توانائی کے شعبے کا گردشی قرضہ کم کرنے کیلئے 12 سو 50 ارب روپے جاری کرنے کا فیصلہ کیا گیا ہے۔

توانائی کے شعبے کا 12 سو 50 ارب روپے کا گردشی قرضہ سیٹل کرنے کا منصوبہ عالمی مالیاتی ادارے (آئی ایم ایف) سے بھی شیئرکیا جائے گا۔

فیصلے کے تحت پیٹرولیم سیکٹر کیلئے ہزار ارب اور پاور سیکٹر کیلئے 250 ارب روپے جاری کیے جائیں گے۔

آئل اینڈ گیس ڈیولپمنٹ کمپنی (اوجی ڈی سی ایل) کو600 ارب، پاکستان پیٹرولیم لمیٹڈ (پی پی ایل) کو 150، گورنمنٹ ہولڈنگز پرائیویٹ لمیٹڈ (جی ایچ پی ایل) کو 170 ارب اور نیشنل پاور پارکس منیجمنٹ کمپنی لمیٹڈ کو بھی 100 ارب روپے جاری کیے جائیں گے۔

توانائی شعبے کے گردشی قرضے کی سیٹلمنٹ کیلئے آئی ایم ایف کی منظوری لازمی ہے اس لیے وزیراعظم نے وزارت خزانہ کی بریفنگ کے بعد رقم کے اجراء سے متعلق  آئی ایم ایف سے منظوری کیلئے ہدایات جاری کردی ہیں۔

وزارت خزانہ کے مطابق منظوری کے بعد وزارت 900 ارب روپے جاری کرے گی جبکہ  آئی ایم ایف کے شرائط پر عمل درآمد کرتے ہوئے گردشی قرضے کیلئے کیش سیٹلمنٹ کی جائے گی۔

ذرائع کے مطابق گردشی قرضے کی سیٹلمنٹ کیلئے کیش دینے سے مالیاتی خسارے میں اضافہ نہیں ہوگا،  سیٹلمنٹ سے ڈیویڈنڈ اور ٹیکس کی مد میں 800 ارب روپے ملیں گے۔

 

جواب چھوڑیں

Please enter your comment!
Please enter your name here